നമ്മുടെ പൂര്‍വികര്‍ അപരിഷ്ക്യതരാണോ?

മുന്‍ പോസ്റ്റില്‍ ശ്രീ ശ്രീ എന്ന ബ്ലോഗര്‍ പറഞ്ഞത്

“രണ്ട് നൂറ്റാണ്ടേ ആയിട്ടുള്ളൂ ഇക്കാണുന്ന ഉപകരണങ്ങളൊക്കെ കണ്ടുപിടിക്കാനുള്ള ബുദ്ധി മനുഷ്യനുണ്ടായിട്ട് .“


അല്ലെന്നാണ് ചരിത്രം പറയുന്നത്
 

സ്റ്റോണ്‍ ഹെഞ്ച്

 

ഇംഗ്ലണ്ടില്‍ സ്ഥിതി ചെയ്യുന്ന സ്റ്റോണ്‍ ഹെഞ്ച് വന്‍ കല്ലുകള്‍ വ്യത്താകൃതിയില്‍ ക്രമീകരിച്ചുവെച്ചതാണ്.ഒരോ കല്ലിനും ഏകദേശം 4.5 മീറ്റര്‍ പൊക്കവും 25ടണില്‍ പരം തൂക്കവും ഉണ്ട്.എങ്ങനെ എന്തിനു വേണ്ടിയാണ് ഇതു നിര്‍മ്മിച്ചെതെന്നു ഇന്നുംഅജ്ഞാതമാണ്.ഏകദേശം 5000 വര്‍ഷങ്ങള്‍ ഇതിനു പഴക്കമുണ്ട്.ആദ്യ ഘട്ടത്തില്‍ ഒരു കുഴിയുണ്ടാക്കി ചുറ്റും വ്യത്താകൃതിയിലുള്ള കുഴികളും.രണ്ടാം ഘട്ടത്തില്‍ ശുക്ല ശിലയില്‍ പെട്ട 80 നീല നിറത്തിലുള്ള കല്ലുകള്‍ രണ്ട് വളയങ്ങളായി സ്ഥാപിച്ചു.നിര്‍മാണസ്ഥത്തിന്റെ നടുവില്‍ പിന്നീട് വന്‍ കല്ലുകള്‍ ഉപയോഗിച്ച് ഒരു വ്യത്തമുണ്ടാക്കി.

 

നീല കല്ലുകളുടെ ഉപയോഗമാണ് ഇതിന്റെ പ്രത്യേകത.അടുത്ത പ്രദേശങ്ങിലൊന്നും ഇത്തരം കല്ലുകളുണ്ടായിരുന്നില്ല.380 കി.മി ദൂരെ മലമുകളില്‍ നിന്നാണ് ഇവ കൊണ്ട് വന്നത്. അപരിഷ്കൃതരായിരുന്ന ഇവരെങ്കില്‍ ഇത്രയും ഭാരം കൂടിയ കല്ലുകള്‍ എങ്ങനെ ഇത്രയും ദൂരം കൊണ്ട് വന്നു.ഈ വന്‍ശിലകള്‍ വഹിച്ചു കൊണ്ട് വന്നതെങ്ങനെ എന്ന ചോദ്യത്തിന് ഉത്തരം കിട്ടാന്‍ പ്രയാസമാണ്.അപരിഷ്കൃത രീതി ഉപയോഗിച്ച് കല്ലുകള്‍ വഹിച്ചു കൊണ്ട് വരല്‍ എളുപ്പമല്ല.

ആധുനികരെന്നു അനുമാനിക്കുന്ന നമുക്ക് ഇത്തരം നിര്‍മ്മിതികളുടെ രഹസ്യത്തെ കുറിച്ച് ഊഹിക്കാന്‍ പോലും പ്രയാസമാണ്